本人非常喜歡聽本地音樂，我並唔覺得香港既音樂係咁差，當識聽音樂既人 ，都認為外國既音樂係好過香港既音樂時，我堅持，香港要有自己既音樂。
對我黎講，聽歌，除左曲之外，歌詞都好重要，我都鐘意m&m、Black Eye、宇多田光、Blur、YUI……不過我唔知佢地歌詞既內容，sorry，幾好聽都唔係我既首選。我出生既年代，我有聽倫伯同哥哥，亦曾係草蜢既fans，直到四大天王，不過真正識聽歌既，反而係聽再近代一d既歌手，Eason、Joey、千嬅……係ga，真係幾遲ga，不過就因為我地出生係80′，舊既新既我都有聽，亦都係為係1980′，我經歷左﹕錄音帶 -> LD-> CD -> MD -> MP3，先可以將咩歌都放入一部iPod度。
講返點解個時先「識」聽歌，唔係因為我知道香港既歌好鐘意抄外國歌，亦唔係因為d歌好k，係因為香港樂壇，尤其係近幾年，都有自己既風格。K，係必然；慘情歌，都係一定；R & P (Rythem & Pop - 我自己作既，即係有節奏不過好易消化)，冇問題，都係因為呢度係香港，係外國人眼中只係一個city既地方。得個700萬人，仲想點？mass先係皇道，先食飯，後講性格，ok？
都係未講點解我話我識聽，因為香港既歌詞，真係夠地道，我本身唔鐘意文言文，HK POP既歌詞，會講出你既心意，我就係鐘意呢d，如果我唔知歌詞講咩，我會想知道內容，不過翻譯返黎都冇用，我唔知幾時係講緊咩位，sorry，都係唔夠入肉。K歌之王、我的驕傲、愛得太遲、願我可以學會放低你、小城大事、好人、他不準我哭、紅綠燈………我都好鐘意，就係因為夠pop，講得出我既心態，呢d就係HK POP。
香港要有自己既音樂，近年已經有好多新晉歌手，佢地既創作，我好欣賞，一齊努力。
我亦想有一支係香港人創出既新飲品，請大家支持香港既創作。
powered by performancing firefox
Popularity: 13% [?]
請訂閱我們的RSS
讀者???
我都支持本土音樂,不過…我最喜歡的歌手己不在了,就是beyond的家駒,他的曲,他的詞,他的聲線完完全全能打進我的心靈.
