DrinkaZine Blog

Blog事雜炒一炮過 - 嘩!嚇死人咩?

Posted on May 17th, 2007 by ShineCatcher.
Categories: DrinkaZine Related, creative advertising.

一炮過講晒：

首先個Blog比賽投票Final Call!

今晚12點截，記住去投票喇！

我們下一次一定會搞得更好，多謝大家支持！

點解成日吹：嘩!嚇死人咩？

因為我地條廣告片入面李力持有咁講過！我覺得好正，所以我會Keep住一段時間無厘頭成日講，唔淨止Blog度講，日常生活都講，睇下可唔以繼“O晒嘴、潮童、Kai Kai o地”之後成為新一個口頭潮禪！（其實哩句改左李導演少少，自己去片比較下就知，同埋我既語氣比持哥誇張，自己幻想下啦！^_^)

去片:

冇版權既，覺得過癮既可以幫手多o的寫下講下：嘩！嚇死人咩？

關於條廣告片！

條橋要夠Local，夠無厘頭，我o地唔係包裝Elegance，所以請看倌唔好嫌gag爛，不過我都覺得後半段太硬銷，失左餘韻。

本身我地搵曾江搭李力持擔綱，原汁原味嗎！曾江原本已經OK，可惜最後價錢上的問題吹o左，冇辦法，我地公司唔係道記，一出手去得到8位數。

原汁片在下:

 我愛曾江!

點解唔寫檸檬茶、中大情色報事件？搞Blog都唔跟潮流既?

唔寫檸檬茶，原因好簡單：“我老闆會炳我幫人賣廣告！大佬，我打份工，哩o的事避得就避，大家明既啦”。

唔寫中大情色報事件，原因都好簡單：“我老闆會炳我寫埋晒o的爭議野，哩度公司Blog來既，博俾人炮轟呀?大佬，我打份工，哩o的事避得就避，大家明既啦”。

關於我地送俾參賽者既T-恤

可能會遲少少先送到你地手，sorry!因為想做得靚o的，到時希望大家囍歡之餘會有意外感，先保密!

關於來緊會係巴士車身貼既廣告

有留意開我地　Print Ad　都會知道我地既Style係玩錯視(optical illusion)，今次梗會繼續。今次可以Fing住頭來睇我地廣告，有少少野玩。不過實際Print左出來效果如何就真係估估下，因為未有經驗，希望效果依然啦。

Click下圖俾下意見啦，好大張架(記住陣間彈出來個Lightbox既右下角有得Close)，睇完你就點解要Fing頭睇:

關於Google Search貼士

琴日Life Hacker有個Google Search Tips，講到search時可以用“better than xxxxxx”的句法去search更好的野，例如：better than IE explore，你就會搵到firefox!

於是我走去Google Search摷下“ better than DrinkaZine“，結果係搵唔到任何野飲既，我地DrinkaZine真係天下無敵，太開心啦！嗱，哩o的野唔係賣花讚花香，係Google講既，公信力好高！

無厘頭寫左咁多野，咁鬼亂，嘩！嚇死人咩？

由 提供，歡迎轉載！ 

Popularity: 21% [?]

請訂閱我們的RSS

0 comments.