唱片業未死 - Online Promotion幫一把

Posted on August 2nd, 2007 by FatJap.
Categories: Marketing, Music.

一到暑期，唱片公司都會為歌手推出新唱片。咁多公司出唱片，點樣叫消費者去買呢？我想講下香港既唱片公司點樣用Web去推唱片。

之前我都有講過，外國既Online Promotion真係五花百門，咩都夠膽死，全因外國市場真係比香港大唔知幾多倍﹗不過，香港咁細個餅，點解都仲有公司肯不斷花咁多Budget去promote新碟同新人？

要知道而家出碟，唔係真係靠CD既銷量去養唱片公司，而係從接event、開演唱會賺錢，其中一個例子就好似近來既何韻詩咁，佢將會係八月尾開2場Music Showcase，佢係記者會上都講明﹕

阿詩解釋這次舉行個唱是配合即將推出的新專輯，她說：其實搞這個表演是因為越來越少人買唱片，所以我得變個形式。

from 浙江在線

所以佢之前又搞舞台劇、演唱會到而家既Showcase，Fans $200、$400咁奉獻，唱迷有新鮮野睇，就唔會計較開得咁密啦﹗仲有，每次既個人function，都有記念品嘛，賺唔少架﹗

如果個個好似Hocc咁做，當然多好多賺錢機會，不過，要留意既係，佢都有搞下少少Online Promotion，佢既Blog都係算受歡迎，每日大概都有6000人瀏覽 (我覺得搞得最好既歌手blog係薜凱琪，每日大概7000人)，佢係Blog上面講下有新event、新歌，分分鐘好過出Print Ad.，仲要係唔駛錢﹗不過搞個Blog絕對唔容易，要好似Hocc咁樣，keep住update，有相、有個人感覺、有笑、有感性、唔假手於人，先可以keep住d人黎睇個blog，同Fans距離更拉近，真係年中既宣傳費用都慳唔少。

另外，呢個Hocc Music Showcase用左快達票賣飛，點解要用快達票系統？我會覺得主要係因為大家耳熟能詳既城市電腦售票網，受歡迎既表演項目，網上賣飛都係以電腦分配既形式去賣，唔同快達票可以網上選擇座位，呢樣野唔係個個唱片公司或者歌手可以做得到。

就係做多2樣野，Hocc呢個Showcase，係冇咩做Above the line既宣傳 (我係睇唔到有Print Ad.同TVC)，都好快就Sold Out。之後出既新大碟，都會有銷量保證。

另一個例子去promote新碟既係楊千嬅黎緊既全新大碟，佢轉去新唱片公司，冇急去出新碟，而係做哂隻碟之後，同PCCW既網上音樂服務Moov合作，以網上Live既形式，去做一個迷你演唱會，一樣可以引人黎注意佢既新碟。